Total Pageviews

Friday, October 17, 2008

காமம் ஆதி கடவுள் மீதி


கடவுளா? காமமா?
ஒரு கணத்தில்
சிக்கல் எழுந்தது.
காமத்தையே
கடவுளாகக் கொண்டவரைக்
கண்டுருக்கிறேன்.
கடவுளைக்
காமமாய்க் கண்டவரைக்
கண்டதில்லை.
கடவுள் பேரின்பம்
காமம் சிற்றின்பம் எனில்
கடவுள் பெரிய காமமா?
காமம் சிறிய கடவுளா?
குழம்பித் தவித்துக்
கண்ணுறங்கினேன்.
கனவில் தினமும்
வரும் கடவுள்
அன்று தாமதமாய்
வந்தார்.
தளர்ச்சியாயும் இருந்தார்.
ஏன் என்று
கேட்ட போது
காமத்தால் சிறிது
களைத்திருப்பதைக்
காரணமாய்ச் சொன்னார்.

2 comments:

Ramesh said...

Flow is good!

I feel the end is limited..

Ramesh said...

ஷ்.. அப்பாடா!

(may be the finish?)